?unique=3d12b74){kind=logo}
- Bizkaiko Foru Aldundiak, Metaleko Enpresen Bizkaiko Federazioak (FVEM) eta GAIA Klusterrak bultzatuta, SegiDigital programaren beste edizio bat jarri da martxan. 2022an sortu zen, lurraldeko ETE industrialei digitalizazioan laguntzeko.
SegiDigitalekin, Bizkaiko Foru Aldundiarekin, FVEMekin eta GAIArekin, Bizkaiko ETE industrialen eraldaketa digitala sustatzeko lan egiten dute, haien lehiakortasuna hobetuko duten proiektu pilotuak hedatuz. Hala, 2022an abian jarri zenetik, SegiDigitalek 30 proiektu pilotu baino gehiago garatzea lortu du Bizkaiko 29 industria-enpresa txiki eta ertainetan, 22 konpainia teknologiko aliaturen parte-hartzearekin.
SegiDigital proiektuaren berritasuna da eskaria (FVEM enpresak) eskaintzara (GAIA enpresak) hurbiltzen duela, eta, horri esker, industria-enpresek beren beharretara egokitutako eraldaketa digitaleko proiektu pilotuak gara ditzaketela. Hala, teknologia probatzen da, dagokion inbertsioa egin aurretik erakunde osora hedatzea komeni den ala ez erabakitzeko.
Teknologia gaitzaileen hedapena bultzatuko da: IoT – Gauzen Internet, adimen artifiziala, esperientziazko adimena eta zibersegurtasuna proiektu pilotuetan, eta, zehazki, edizio berri honetako berrikuntza gisa, enpresaren balioa sortzeko prozesuen proiektu pilotuak ezarriko dira, adimen artifizialaren eta zibersegurtasunaren teknologien bidez. Horretarako, 15 proiektu pilotu berri jarriko dira martxan.
SegiDigitali buruz
SegiDigital-en helburua da Bizkaiko metaleko ETEei eta industrialariei laguntzea, landu beharreko palanka eta teknologia nagusien ikuspegia eskainiz. Era berean, programak enpresa horiek motibatu nahi ditu, eta lan-arlo bakoitzeko digitalizazio-joera nagusiak erakutsi.
Horretarako, funtsezkoa da gaur goizean egin den bezalako jardunaldietan beste enpresa txiki eta ertain batzuen esperientziak zuzenean ezagutzea, batez ere nola lortu duten oztopo arruntenak gainditzea, beren proiektuak hedatzea eta beren behar nagusiari erantzun dion irtenbide teknologikoa baliozkotzea.
Eraldaketa digitala sortzeko eta garatzeko gakoak:
- Kolektiboaren/kolektiboen digitalizazioaren beharrak eta erronkak aztertzea.
- Prozesu, produktu eta zerbitzuetan Ezagutza eta Teknologia sartzea ezinbestekoa da.
- Trebakuntza: denok erabiliko ditugu datuak. Beraz, informazioa modu egituratuan aztertu behar dugu..
- Ekonomia Digitalaren Erronka, Zerbitizazioa eraiki behar da (Produktua + Zerbitzua + Datua).
- Lankidetza, aukerak interpretatzen laguntzen badugu, ordenatzen bagara, elkar osatzen badugu, espezializatzen bagara eta balio bereizgarria ematen badugu soilik, globalizatu egingo gara.
Proyecto subvencionado por la Diputación Foral de Bizkaia / Bizkaiko Foru Aldundiak diruz lagundutako proiektua.